Samráðast aftur við Russar

Føroysku flakatrolararnir skulu sleppa í russiska partin av Barentshavinum - eisini eftir nýggjár. Og russisk skip skulu sleppa í føroyskan sjógv.  Tað ætlar Føroya Landsstýri, sum í dag hevur gjørt av at fara aftur til samráðingar við russar um at leingja fiskiveiðisáttmálan, sum vit hava havt síðani 1977.

Drúgv politisk viðgerð hevur verið av málinum seinastu tíðina, og í gjár gav uttanlandsnevndin landsstýrinum svar upp á ráðførsluna, sum landsstýrið fór í tingið við týsdagin.

Sum skilst, er breið politisk semja um at halda fram við samstarvinum við russar. Eisini tvørtur um samgongu- og andstøðuásin.

Landsstýrið hevur lagt upp til at fara til samráðingar um at leingja fiskiveiðuavtaluna, men við teirri broyting, at tey ætla at royna at ganga bretska ynskinum á møti um, at russisk skip ikki skulu fiska inni í felags serøkinum millum Føroyar og Bretland sunnanfyri.

Avgerðin hjá landsstýrinum er tikin fyri lítlari løtu síðani.

Aksel V. Johannesen, løgmaður, er gestur í sjónvarpsstovuni.