Útflutningurin vaksin 400 milliónir

Samlaði útflutningurin fyrstu níggju mánaðirnar í ár var 9,5 milliardir krónur, vísa tøl hjá Hagstovuni. 

Tað eru 403 milliónir krónur meira enn sama tíðarskeið í fjør

Størsti vøksturin er í bólkunum 'Slógv og fiskaúrdráttir' og 'Annar fiskur', sum er annar fiskur enn toskur, upsi, hýsa, makrelur, sild, svartkjaftur, svartkalvi og laksur. 

Virðið á fiskaútflutninginum vaks 556 milliónir kr. fyrstu níggju mánaðirnar, ella sjey prosent

Laksaútflutningurin minkaði 192 milliónir krónur, ella fimm prosent. 

Nøgdin er minkað 6.700 tons, ella 13 prosent. Prísurin hevur verið góður, men seinastu mánaðirnar er prísvøksturin steðgaður.

Útflutningsvirðið fyri botnfiskasløgini tosk, upsa og hýsu er minkað tilsamans 256 milliónir krónur. Fyri tosk 22 prosent, upsa átta prosent og hýsu 17 prosent. 

Prísurin er fallin á øllum teimum týdningamestu fiskasløgunum. 

Útflutningurin til Russlands var 90 milliónir krónur í september. Av hesum er 78 milliónir uppsjóvarfiskur, sigur Hagstovan.