Fyrireika nú samráðingar við onnur fakfeløg

Lønardeildin hjá Fíggjarmálaráðnum fyrireikar nú sáttmálasamráðingar við hini feløgini á almenna arbeiðsmarknaðinum. 

Mánadagin hittir Lønardeildin Akademikarafelagið.

Eisini eru samráðingar komnar væl áleiðis við Búskapar- og løgfrøðingafelagið, Lærarafelagið og Pedagogfelagið. 

Samráðingar við Fysioterapeutfelagið og Ergoterapeutfelagið byrja eisini í næstu viku.

Jan Mortensen, stjóri á lønardeildini, sigur, at avtalað er at senda tilfar og uppskot til semju til nøkur av feløgunum, og ætlanin er at hitta feløgini skjótast gjørligt.