Landsstýrismálanevndin fingið kæru frá borgara

Langt er millum fundirnar hjá landsstýrismálanevndini hjá løgtinginum.

Ein var í juni.

Og nú verður ein seinnapartin í dag.

Hans Jacob Thomsen, formaður í nevndini, sigur, at nevndin hevur fingið eina kæru frá einum privatum borgara, sum tað eitur á heimasíðuni hjá nevndini.

Nevndin skal í dag viðgera, um nevndin skal viðgera hesa kæru ella ikki.

Vil einki siga

Hans Jacob Thomsen vil ikki siga nú, hvør er kærdur ella kærd og fyri hvat. Heldur ikki, hvør hevur kært.

Nevndin skal tosa um málið fyrst, sigur hann. 

Landsstýrismálanevndin viðger kærur um løgmann og landsstýrisfólk.

Bárður á Steig Nielsen og Hanna Jensen eru eisini í landsstýrismálanevndini.