- Tíðindi, mentan og ítróttur
Lív byggir nýtt høvuðssæti á Óðinshædd
Lív byggir nýtt høvuðssæti á Óðinshædd
Tað verður lættari hjá fólki at koma inn í bygningin, sum eisini verður umhvørvisvinarligari, sigur Jan Jakobsen, stjóri, sum ikki vil siga kostnaðin fyri verkætlanina enn
Skitsa av nýggja høvuðssætinum hjá tryggingarfelagnum Lív á Óðinshædd.
Mynd: Lív
24.11.2023 - 17:04
Tryggingarfelagið Lív byggir nýtt høvuðssæti á Óðinshædd í Havn.
Bygningurin verður tríggjar hæddir, har tvær av hæddunum ætlandi skulu leigast út. Tryggingarfelagið væntar at flyta inn í nýggja høvuðssætið við árskiftið 2025/26.
Samanborið við verandi høvuðssæti hjá Lív í miðbýnum í Havn, verður tað lættari hjá fólki at koma inn í bygningin á Óðinshædd, sum eisini verður umhvørvisvinarligari.
Skitsa av høvuðssætinum hjá Lív.
Einki gistingarhús kortini
Upprunaliga ætlaði Jóan Petur Vang, byggimeistari, at byggja gistingarhús á grundstykkinum á Óðinshædd. Men tann ætlanin var slept, tí sambært honum er framtíðin í hotellvinnuni ov óviss.
Í summar keypti Lív partafelagið Óðinshædd 11 frá Jóan Peturi Vang, har grundstykkið fylgdi við.
Hoyr innslag í útvarpstiðindunum:
Er kopiera
Nýggjastu sendingar í ÚV
Nýggjastu sendingar í SV
