- Tíðindi, mentan og ítróttur
Ómøguligt at halda nýggju kunngerðina um fýrverk
Ómøguligt at halda nýggju kunngerðina um fýrverk
Handilsvinnufelagið finst at kunngerðini, sum ætlanin er at seta í verk. Víst verður m.a. á, at seinasti søludagur av fýrverki er ikki til
Sambært uppskotinum um kunngerð verður bara loyvt at selja fýrverk tríggjar dagar um árið. (Savnsmynd: Bjarni Árting Rubeksen)
30.11.2023 - 18:00
- Tað verður stutt sagt ómøguligt at halda nýggju kunngerðina um fýrverk.
Tað sigur Alvi Hjelm, ráðgevaraskrivari hjá Handilsvinnufelagnum í Vinnuhúsinum, um kunngerðina um fýrverk, sum hevur verið til hoyringar.
Sambært uppskotinum um kunngerð verður bert loyvt at selja fýrverk tríggjar dagar um árið, frá 28. desember til nýggjársaftan.
Handilsvinnufelagið undrast eisini á málsligu krøvini, sum verða sett til merking av fýrverki.
Skotið verður upp, at fýrverkið verður merkt á føroyskum, donskum, norskum og svenskum, og síðsti søludagur skal eisini standa á fýrverkinum.
Men síðsti søludagur á fýrverki er ikki til, sigur Handilsvinnufelagið.
Hoyr innslag í útvarpstíðindunum:
30112023_Kunngerd_um_fyrverk
Er kopiera
Nýggjastu sendingar í ÚV
Nýggjastu sendingar í SV
