Jólini koma við hornorkestrinum

Í gjárkvøldið vóru tey og blástu í Kalsoynni, har jólatrø vóru tendrað á Syðradali, á Húsum, í Mikladali og á Trøllanesi. 

- Hetta hava vit gjørt síðani 2006, tá ið bygdirnar Trøllanes og Mikladalur løgdu saman við Klaksvíkar Kommunu, sigur Hanus Kjølbro, næstformaður í Klaksvíkar Hornorkestri.

Seinni komu Húsar og Syðradalur upp í kommununa, so nú spælir hornorkestrið í øllum bygdunum á Kalsoynni, tá ið jólatrøini verða tendrað.

- Fyri okkum byrja jólini, tá ið hornorkestrið kemur í bygdina at tendra jólatræ, so hetta hevur stóran týdning, sigur Paulina Eliasen, sum býr á Syðradali. 

Byrjað var á Syðradali, har tey, sum lýddu á, eisini fingu kaka og bollar. Síðani var farið til Húsar, so til Trøllanesar og endað var í Mikladali, har øll bygdin var boðin til ræsta súpan í fráhaldshúsinum. 

- Hetta hevur stóran sosialan týdning fyri okkum í orkestrinum, og vit gleða okkum á hvørjum ári, sigur Hanus Kjølbro, næstformaður í Klaksvíkar Hornorkestri.