Afturgongdin svarar til tvey floksstig

Í støddfrøði fingu føroysku fólkaskúlanæmingarnir 446 PISA-stig í miðal.

Tað er lakasta føroyska úrslitið higartil og ein ógvuslig afturgongd upp á 45 stig samanborið við úrslitið í 2018.

Kanningin varð løgd fram í Kongshøll á vestarubryggju í Havn í dag. 

Sambært frágreiðingini er føroyska PISA-úrslitið í støddfrøði skelkandi.  

- Hetta er ein sera stór afturgongd staðfestir, Ingi Højsted, granskingarleiðari á námsvísindadeildini á Fróðskaparsetrinum.

Hoyr samrøðu við Inga Højsted í útvarpstíðindunum

PISA-kanningin 2022, Erla Olsen

Erla Olsen er lektari í náttúruvísindafrøði á Fróðskaparsetrinum.

PISA eitt gott amboð

- Vilja vit vera partur av vesturheiminum, er tað umráðandi at hava eitt mát fyri, hvussu skúlaskipanin riggar. Til hetta er PISA eitt gott amboð.

Tað sigur Erla Olsen, lektari í náttúruvísindafrøði á Fróðskaparsetrinum.

Hon vísir á, at PISA-kanningarnar eru góðar, tí tær leggja dent á, hvussu vit gagnnýta ta vitan, vit hava.   

Hoyr samrøðu við Erlu Olsen í útvarpstíðindunum

Páll Isholm, 16:9

Páll Isholm er námslektari á námsvísindadeildini á Fróðskaparstrinum.

Tá talan er um lesiførið, standa føroysku fólkaskúlanæmingarnir seg heldur ikki væl.

Tað eigur at takast í álvara.

Hoyr samrøðu við Páll Isholm í útvarpstíðindunum