Trý vilja vera stjóri í Hondbóltssambandinum

Trý fólk vilja vera stjóri í Hondbóltssambandi Føroya. Freistin at søkja var uti í gjár.

Í november segði Hans Jón Thomsen seg úr starvi, minni enn eitt ár eftir, at hann fór í stjórasessin í Hondbóltssambandinum.

Hans Jón Thomsen heldur tó fram sum stjóri til eftir EM-endaspælið hjá hondbóltsmonnunum í Týsklandi í januar, ella til nýggjur stjóri er funnin.

Í umsitingini hjá HSF starvast í dag, umframt stjóran, trý starvsfólk, sum taka sær av umsitingarliga, fíggjarliga, og ítróttarliga partinum í sambandinum.

Hans Jón Thomsen,stjóri í Hondbóltssambandi Føroya

Hans Jón Thomsen segði seg úr starvi sum stjóri, minni enn eitt ár eftir at hann tók við. (Mynd: Bjarni Árting Rubeksen)