Fíggjarlógin: Hallið verður nú 7 milliónir krónur

Hallið á fíggjarlógini fyri 2024 verður 37,5 milliónir minni enn tað, sum Ruth Vang, landsstýriskvinna í Fíggjarmálum, legði fram í september í uppskoti til fíggjarlóg fyri 2024. 

Tað vísa nýggjar inntøkumetingar, sum Fíggjarmálaráðið hevur gjørt.

Væntandi vera eisini nakrar aðrar meirinntøkur, men eisini nakrar minni inntøkur.

Í september var hallið á fíggjarlógaruppskotinum 64 milliónir krónur. Men við broytingaruppskotinumm hjá landsstýrinum, sum kom í november og við nýggju inntøkumetingini, verður hallið 7 milliónir krónur.

Hoyr innslag í útvarpstíðindunum: