Smyril Line fingið Glyvursnes

Smyril Line yvirtók í dag Glyvursnes á Fayard skipasmiðjuni í Munkebo. Smyril Line hevur keypt farmaskipið frá finska reiðarínum Bore Ltd.

RoRo-farmaskipið æt fyrr Seagard, men hevur nú fingið navnið Glyvursnes.

Glyvursnes liggur á skipasmiðjuni til 30. desembur, tá kósin verður sett móti Føroyum.

Skiparar á Glyvurnesi eru Óli Hammer og Eljón Poulsen.

Skipið varð bygt á skipasmiðjuni, Sietas, í Týsklandi í 1999. Tað er 153 og ein hálvan metur langt og 20,6 metrar breitt.

Glyvursnes verður sett í regluliga sigling á rutuni sum “Mistral” røkjur í dag. Tað er millum Tórshavn, Þórlakshöfnog Hirtshals.

Glyvursnes