Biden: Vit svíkja ikki Ukraina

Amerikanski forsetin, Joe Biden, og ukrainski forsetin, Volodymyr Zelenskyj, hittu í gjárkvøldið fjølmiðlar í Hvítu húsunum

- Tá ið Russland byrjaði kríggið, væntaði eingin, at Ukraina fór at hóra undan ein mánað. Tí gloymir eingin, at tað er ein stórur sigur, at tú stendur her í dag, og at Ukraina stendur her í dag, segði Biden við Zelenskyj á tíðindafundinum.

- Ukraina fer at yvirliva, um ikki vit fara frá teimum. Steðga vit ikki Vladimir Putin, fer tað at seta frælsið hjá nærum øllum í vanda, segði Biden. 

Zelenskyj

Ukrainski forsetin hitti eisini demokratiska og republikanska leiðarannum í senatinum. (Mynd: Reuters/Ritzau Scanpix)

Svíkja ikki

Biden lovaði ikki at svíkja Ukraina, sama um Kongressin herfyri vrakaði seinasta uppskotið um búskaparligan stuðul til Ukraina til kríggið móti Russlandi.

Republikanararnir krevja, at hjálparpakkin til Ukraina eisini skal fevna um tiltøk fyri at steðga streyminum av fólki, sum biðja um politiskt friðskjól á markinum millum USA og Meksiko.

Biden segði, at umsitingin hjá sær arbeiðir saman við Kongressini um nýggja loysn.

- At halda Ukraina sum gísla afturfyri eina sera vandamikil partapolitiska dagsskrá, tað er ikki soleiðis, vit arbeiða, segði amerikanski forsetin