Landskassin hevði 11 milliónir í avlopi í fjør

Inntøkurnar vóru 92 milliónir størri enn mett, og úreiðslurnar vóru 75 milliónir minni enn játtað - tilsamans 167 milliónir

Úrslitið hjá landskassanum í fjør var 11 milliónir krónur í avlopi.

Mynd: Bjarni Árting Rubeksen

Frants Jensen

02.06.2026 - 14:39

Landsroknskapurin fyri 2025 hevði 11 milliónir krónur í avlopi.

Tað skrivar Fíggjarmálaráðið.

Samtykta fíggjarlógin fyri 2025 hevði hall uppá 120 milliónir krónur. Eykajáttanir í árinum vóru 27 milliónir krónur. Somuleiðis vóru níggju milliónir krónur brúktar av framfluttum løgujáttanum. Samlað hevði fíggjarlógin tí 156 milliónir krónur í halli.

Staðfesti landsroknskapurin hildnaðist tó betur. Inntøkurnar vóru 92 milliónir krónur størri enn mett, og útreiðslurnar 75 milliónir krónur minni enn játtað, tilsamans 167 milliónir krónur.

Samlaðu inntøkurnar frá skatti, avgjøldum, ríkisstuðli og øðrum vóru umleið 7,5 milliardir krónur. Samlaðu útreiðslurnar vóru somuleiðis út við 7,5 milliardir krónur.

Rakstrarúrslitið fyri 2025 var sostatt 11 milliónir krónur. Tað er frægari enn í 2024, tá ið úrslitið var eitt hall uppá 172 milliónir krónur.

Les landsroknskapin her.