- Tíðindi, mentan og ítróttur
Yvir eina milliard í lønum
Yvir eina milliard í lønum
Ein milliard og 28 milliónir krónur vórðu goldnar út í lønum í Føroyum í novembur mánaði, vísa nýggjastu hagtølini frá Hagstovu Føroya.
17.12.2023 - 16:46
Lønargjaldingarnar í novembur vóru tí 67 milliónir meira enn í oktobur, tá ið tær vóru 961 milliónir krónur.
Í novembur í fjør var talið 983 milliónir krónur, so eftir einum ári eru útgoldnu lønirnar vorðnar 45 milliónir fleiri.
Roknast kann við enn fleiri milliónum í lønum henda mánaðin, tí vanliga eru lønartølini hægst í desembur.
Í fjør til dømis, vóru lønargjaldingarnar ein milliard og 77 milliónir krónur.
Lønargjaldingarnar eru A-skattskyldugar lønir, sum fyritøkur við heimstaði í Føroyum rinda, og B-inntøkur eru ikki við.
Útlendskar fyritøkur ella fyritøkur, sum ikki hava virksemi í Føroyum, telja sostatt ikki við.
Allar lønargjaldingar verða taldar uppí, óansæð um lønarmóttakarin býr í Føroyum ella uttanlands.
Er kopiera
Nýggjastu sendingar í ÚV
Nýggjastu sendingar í SV
