Fíggjarlógin avgreidd í dag

Triðja viðgerð um fíggjalógaruppskotið hjá landsstýrinum verður í løgtinginum í dag.

Triðja viðgerð skuldi vera fríggjadagin, men av tí at onnur viðgerð endaði tveir minuttir eftir midnátt, var tíðarfreistin ov stutt til, at triðja viðgerð kundi vera fríggjadagin.

Uppskotið um fíggjarlóg var annars samtykt hósnáttina. 16 atkvøddu fyri og 14 ímóti. Ein atkvøða var blonk.

Henrik Old í Javnaðarflokkinum atkvøddi blankt.

Onkur broytingaruppskot koma væntandi í dag.

Andstøðutingfólkini í Norðoyggjum hava boðað frá einum uppskoti um pengar til mentanarhúsið Varpið í Klaksvík.

Varpið er ikki nevnt í teimum broytingaruppskotum, sum komu til aðru viðgerð, hóast Varpið skrivaði til fíggjarnevndina.

Tingfundurin í dag er kl.10.00.