Iran partur av álopinum

Iran var partur av ætlanunum, tá huthiarnir í Jemen lupu á handilsskip í Reyðahavinum. Tað sigur fyrisitingin hjá amerikanska forsetanum, Joe Biden.

Iran vísir tó hesum aftur.

Huthiarar í Jemen hava seinastu vikuna lopið á fleiri skip í Bab al-Mandab-sundinum í Reyðahavinum. Lopið hevur verið á við rakettum og dronum, og eisini hava teir rænt eitt farmaskip, sum hevur samband við Ísrael.

Sambært fyrisitingini hjá Joe Biden, so høvdu hesi álopini ikki borið til uttan stuðul frá Iran.

- Vit vita, at Iran væl og virðiliga var við til at leggja átøkini ímóti handilsskipum í Reyðahavinum til rættis, sigur Adrienne Watson, talskvinna hjá Adrienne Watson.