Gjøld til kommunur

Nú er kunngjørt, hvussu veiðigjald og tøkugjald verður býtt millum land og kommunurnar.

Kommunur, har fiskiskipið er skrásett, fáa sín part av veiðigjaldinum, og kommunur, sum fáa partafelagsskatt frá alivinnuni, fáa sín part av tøkugjaldinum.

Inntøkur frá tøkugjaldinum verða býttar millum kommunurnar eftir lutfallinum av býtinum av partafelagsskatti til kommunurnar frá fyritøkum og samtøkum í alivinnuni. 

Kunngerðin kemur í gildi 1.januar.