Eingin jólafriður í Gasageiranum

Netanyahu sigur seg hava trý krøv, sum skulu lúkast áðrenn kríggi í Gaza endar, skrivar hann í tíðargrein í Wall street journal.

Hamas skal leggjast í oyði, Gaza avmilitariserast og palestinska samfelagið avradikaliserast, sigur hann.

Ísraelskir miðlar hava eitt nú bitið merkið í, at teir eftirverandi gíðslarnir ikki vera nevdnir, sum eitt krav.

Hildið verður, at 129 fólk framvegis sita gíðslar. 240 fólk vóru tikin gíðslar í álopinum 7. oktober og 1200 fólk dripin.

Síðani tá eru fleiri enn 20.000 fólk deyð í Gaza, sum avleiðing av ísraelsku álopunum. Hesum heldur Netanyahu tó, at atljóða samfelagið eigur at geva Hamas skuldina av hesum, skrivar Berlingske. 

Ísrael ger sítt ítarsta fyri at avmarka talið av deyðum sivilum, sigur Netanyahu, men Ísrael noyðist at tryggja sær, at Gaza ongantíð aftur verður brukt sum støð, sum kunnu brúkast til at leypa á Ísrael.