Glopraregn í Týsklandi

Í býnum Thürungen í Sachsen-Anhalt er áin Helme um at fara upp um áarbakkan, og 180 fólk eru flutt burtur. 

Eisini fólk í øðrum økjum fingu boð um at fyrireika seg til at skula flyta í nátt. 

Støðan í Windehausen, - stutt frá Thürungen, er eisini álvarslig. Har vóru 500 fólk flutt burtur úr økinum jóladag.

Í Hars-fjøllunum sunnanfyri býin Braunschweig, er Oker-byrgingin. Hon letur nú nógv meira vatn út vanligt. Vanliga fara 16 rúmmetrar av vatni út um sekundið, men nú fara 30 rúmmetrar.

Tað ger, at fleiri vegir framvið ánni eru stongdir í økinum.

Í Northeim í Niedersachsen smokkaði ein byrging mánadagin, og 100 íbúgvar í Rinteln máttu flytast burtur haðani gjáramorgunin. 

Veðurvánirnar siga tó frá betri veðri, og í gjár var ikki nógv avfall.