Fiskaaling eitur nú Firum

Partafelagið Fiskaaling broytir navn og eitur nú Firum.

Í tíðindaskrivi sigur felagið, at navnið Fiskaaling kann geva fata av, at talan er um alifelag, og tað er tað ikki.

Felagið skal skapa vitan, sum kann vera grundalagið undir burðardyggari alivinnu í Føroyum.

Navnið Fiskaaling kann tí geva skeiva fatan av virkseminum hjá felagnum.

Samanspæl millum firðir og umhvørvi

Firum er samspæl millum FIRðir og UMhvørvi. 

Hetta eru tvey orð, sum lýsa súlurnar undir virkseminum hjá felagum. 

Orðið er lætt at benda, Firum, Firum, Firum, Firums, og er hent navn hjá teimum, sum hava altjóða samstarv á økinum, skrivar Firum í tíðindaskrivi.

Partafelagið Firum hevur eisini fingið nýtt búmerki, ið er ein seiðakikari.

Hann var týdningarmikla amboðið til at síggja niður í sjógvin, og sum dró tjøldini frá og gav vitan til at taka grundaðar avgerðir, skrivar Firum.