Sjógæti gevst á Eiði

Tað váttar Hans Marius í Byrgi, stjóri í Sjógæti.

Tað var í 2019, at Sjógæti keypti gamla flakavirkð Norðís á Eiði og byrjaði at taka móti útróðrarfiski.  

Men nú loysir tað virksemið seg ikki longur.

- Vit hava havt okkara síðsta arbeiðsdag í dag. Virkið er gamalt og tað er minni og minni fiskur, sum kemur upp á land. Vit halda tó fram við øllum okkara virksemi á Norðskála, sigur Hans Marius í Byrgi í stuttari viðmerking.

25 fólk hava starvast á virkinum á Eiði. 

- Nakað av virkseminum á Eiði flytir til Norðskála. Fleiri av starvsfólkunum á Eiði halda fram á Norðskála, sigur Hans Marius í Byrgi. 

Sjógæti hevur tó ikki frá 1. januar arbeiða til øll teirra, sum hava starvast á virkinum á Eiði.