Jarðskjálvti í Japan kravt 48 mannalív

Jarðskjálvtin, sum rakti Japan í gjár, hevur kravt í minsta lagi 48 mannalív higartil.

Tað sigur japanska sjónvarpsrásin, NHK.

Stjórnin sigur, at hermenn eru sendir til tey raktu økini fyri at hjálpa tl við bjargingar- og uppruddingararbeiðnum.

Jarðskjálvtin var mátaður til 7,6 á Richterstiganum.

Jarðskjálvti í Japan

(Mynd: Reuters/Ritzau Scanpix)

Eisini flóðaldur

Nógvir bygningar í havnabýnum, Wajima, eru rapaðir, og flóðaldur hava rakt partar av økinum.

Wajima er á japansku hálvoynni Noto.

Myndugleikarnir hava ikki fingið fullkomið yvirlit yvir støðuna, og tí er torført at siga, hvussu ógvisligir skaðarnir av jarðskálvtanum eru, sigur forsætisráðharrin, Fumio Kishida.

Hann ger tó greitt, at okkurt um 30.000 húski hava ongan streym, og at nærum 100.000 fólk eru biðin um at fara úr økinum.

Stórir vegir hava eisini fingið skaða, og sambært Reuters ávirkar tað bjargingararbeiðið.