Færri bilar men fleiri elbilar

Nú eru 1795 elbilar í Føroyum.

Teir vóru 1210 1.januar í fjør, so 585 komu aftrat í 2023, vísa tøl hjá Akstovuni.

Bilar, sum bara brenna bensin, gjørdust færri í fjør.

Teir vóru 19.236 1.januar 2023 og 18.528 1.januar í ár.

Eisini bilar, sum bara brúka diesel, eru færri nú.

Teir vóru 15.267 1.januar í fjør og eru nú 14.770.

Bilar, sum brúka aðra drívmegi saman við beinsini og dieseli eru eisini vorðnir fleiri. 

Nú eru 42.025 akfør í Føroyum, 15 færri enn 1.januar 2023.