Sýnsgjøld hækka upp í 450 prosent

Tað er eingin orsøk til at hækka gjøldini fyri bilsýn so nógv, sum uppskotið um broytingar í ferðslulógini sigur.

Talan er um stórar hækkingar, millum 18 og 450 prosent.

Føroya arbeiðsgevarafelag heldur hetta vera ov nógv, tí Akstovan hevur seinnu mongu árini havt úrslit, har útreiðslur og inntøkur javnviga. 

Spurningurin er so, hvat ætlanin er at brúka øktu inntøkurnar til. 

Einki stendur um hetta í viðmerkingunum um lógaruppskotið, sigur Arbeiðsgevarafelagið.

Felagið mælir Samferðslumálaráðnum til at endurskoða ætlaðu hækkingarnar í tænastugjøldunum og viðgera nærri, hví brúk er fyri at hækka gjøldini so nógv, sum Akstovan hevur biðið um.