Taks krevur tøkugjald fyri neyðslaktaðan laks

Eitt prinsipelt mál um at skatta alivinnuna er á veg í Føroya rætt.

Bakkafrost Farming hevur stevnt Taks, tí Taks krevur tøkugjald fyri laks, sum er tikin eftir kravboðum frá landsdjóralæknanum.

Landsdjóralæknin kann krevja neyðslakt, at allur laksurin í ringinum verður tikin, tá talan er um sjúku í alibrúki.

Taks sigur, at tøkugjald skal gjaldast fyri slíkan fisk.

Ikki so nógv verdur

Bakkafrost heldur uppá, at tøkugjald skal ikki gjaldast fyri laks, sum landsdjóralæknin krevur tiknan, tí hann er tá tikin í ótíð. 

Hann er tí ikki so nógv verdur, sum hann er, tá hann er fullvaksin, ella hevur gingið í ringunum ta tíð, teir eiga at vera.

Talan er um neyðslakt í tveimum førum á Gøtuvík.

Fyrireikandi fundur verður í Føroya rætti fríggjadagin í næstu viku.