Kann verða ein bumba undir samgonguni

- Er uppskotið um nýggja fosturtøkulóg farið úr Løgmálaráðnum uttan at verða viðgjørt í Framsókn, kann málið verða ein bumba undir øllum.

Tað sigur Árni Gregersen, politiskur viðmerkjari, um fosturtøkulógina, sum nú er farin til ummælis.

- Hetta er eitt umstrítt mál, og tí er umráðandi hjá landsstýrismanninum at tryggja sær undirtøku fyri tí í baklandinum, og tað hevur Bjarni Kárason Petersen eftir øllum at døma ikki gjørt, sigur Árni Gregersen.

Hann væntar, at fosturtøkumálið fer at fylla nógv í politiska orðaskiftinum í næstum.

Hoyr samrøðu, sum Tróndur Olsen gjørdi við Árna Gregersen í útvarpstíðindunum: