Friðarligt í nátt

Hóast megnarbragdið hjá føroyska hondbóltslandsliðnum, vóru fá fólk í býnum í Havn.

Tey sum vóru, vóru í góðum, sigur løgreglan, sum var í býnum í nátt. 

Fleiri túsund føroyingar eru staddir í Berlin, og tað er helst orsøkin, men tey hava heldur einki hoyrt frá løgregluni í Týsklandi, sigur vakthavandi á politistøðini. 

Tað høvdu tey annars fyrireikað seg til, tí kemur ein føroyingur illa fyri ella skal eyðmerkjast av ein hvørjari orsøk er ikki óvanligt at løgreglan uttanlands setir seg í samband við løgregluna herheima.

Tí høvdu tey fyrireika seg uppá at hoyra frá Berlin, sigur vakthavandi á politistøðini.

Hálkan kom tó óvart á í gjárkvøldið og okkurt óhapp var í Havn í sambandi við tað. 

Ein 17 ára gamla var tikin fyri at koyra uttan koyrikort - hann kann fáa upp í 5000 krónur í bót.