Lærarar í miðnámi hava gjørt sáttmála

Fíggjarmálaráðið hevur gjørt sáttmála við eitt fakfelag aftrat.

Tað er Yrkisfelag miðnám, sum hevur gjørt trý ára semju, sum byggir á sama karm sum onnur feløg hava.

Lønin hækkar 3,8 prosent 1.oktober í 2022, 4,2 prosent 1.oktober í fjør og 4,75 prosent 1.oktober í ár.

Í sáttmálaskeiðinum, sum endar 30.september í 2025, vera viðurskifti og orðingar um leiðslustørv dagførd.

Hetta arbeiðið byrjar nú í fyrsta ársfjórðingi í ár.