Búskaparráðið leggur fram haldføriskanning

Klokkan eitt í dag leggur Búskaparráðið fram haldsføriskanning í Smæruni í Havn.

Búskaparráðið ger vanliga ein várfrágreiðing í mars og eina heystfrágreiðing í september, men kann harumframt eisini gera temafrágreiðingar. 

Haldføriskanningin, sum verður løgd fram í dag, er ein temafrágreiðing.

Búskaparráðið hevur eina ferð fyrr gjørt eina haldføriskanning, tað var í sambandi við árligu heystfrágreiðingina í 2015.

Malan Johansen, stjóri í Landsbankanum, landsbankin

Malan Johansen er stjóri í Landsbankanum. (Savnsmynd: Bjarni Árting Rubeksen)

Hevur týdning

- Tað er av týdningi at gera haldføriskanningar fyri at tryggja ein haldføran búskap, so vit ikki senda rokningar víðari til næsta ættarlið. Tað er neyðugt, at politikarar hyggja longur fram enn sítt egna valskeið, sigur Malan Johansen, stjóri í Landsbankanum. 

Landsbankin er skrivari hjá Búskaparráðnum. 

Haldsføriskanningin, sum verður løgd fram í dag, byggir á ein frymil, sum danska fyritøkan Dream upprunaliga menti til Grønland.

Frymilin er síðani lagaður til føroysk viðurskifti.