VB-húsið verður dagført

Nýggj vesi verða gjørd, so tey millum annað verða gjørt atkomilig hjá fólki við skerdum førleikum.

Síðan er ætlanin eisini at gera skiftingarrúmini og annað av nýggjum, so umstøður eru til stór tiltøk, ið standa fyri framman, so sum Dansbandfestivalin og jóansøkuna.

VB-húsið er frá 1977 og ítróttarhøllin í Vági frá 1980, og bæði treingja til ábøtur og stórar dagføringar, skrivar Vágs kommuna á síni heimasíðu.

Tað er mentamálanevndin hjá kommununi, sum hevur samtykt at fara undir dagføringarnar, og mett verður, at arbeiðið fer at kosta umleið 700.000 krónur.