Nýggjar reglur um dronur

Hálvan februar koma nýggjar reglur um dronur í Føroyum, ella um "ubemandede luftfartøjer", sum donsku kunngerðirnar eru um.

Fyrimunurin er serliga, at reglurnar eru kendar hjá teimum, sum koma higar við dronu, eins og ES-reglurnar loyva viðkomandi frávikum, til dømis um lendi og viðbrekin øki, sigur landsstýrið.

Loftferðslulógin, sum er galdandi í Føroyum, er dagførd.

Lógin var ikki í fullum samsvari við loftferðslulógina, sum er galdandi í Danmark.

Reglurnar í Føroyum um at flúgva við dronu eru ótíðarhóskandi og eru ikki rættiliga sum tær, sum er galdandi aðrastaðni, sigur landsstýrið. 

Reglurnar, sum vóru kunngjørdar í 2017, eru ikki settar í gildi, men vera nú settar í gildi eins og nýggju reglurnar.

Millum annað koma reglur um at flúgva við dronu, meðan fólk eru ávirkað, og hvussu fólk kunnu vera dømd at missa rættin at flúgva við dronu.