Støre: Eingin hernaðarlig hóttan móti Noregi

Norski forsætisráðharrin, Jonas Gahr Støre, heldur ikki, at nøkur hernaðarlig hóttan um kríggj er móti Noregi.

Viðmerkingin kemur, eftir at fleiri lond, teirra millum Svøríki, hava givið fólkinum boð um at fyrireika seg til kríggj.

Svenski verjuovastin, Michael Bydén, segði í januar, at Vladimir Putin og Russland eru ein hóttan, og ætlanin er at menna og spjaða umfatandi kríggið í Ukraina.

Men Jonas Gahr Støre er ikki samdur við svenska verjuovastan.

- Eg haldi, at tað er lítið sannlíkt, at Putin er áhugaður í einum kríggi við Nato, sigur hann við norska kringvarpið.

Danski verjumálaráðharrin, Troels Lund Poulsen, er samdur við norska forsætisráðharran.

Hann segði fyri kortum, at svenska fráboðanin var "ógvuliga dramatisk", sum hann málbar seg, og Troels Lund Poulsen heldur ikki, at nøkur ítøkilig hernaðarlig hóttan er móti Danmark.