- Tíðindi, mentan og ítróttur
Tingfólk siga sína hugsan um kringvarpsgjaldið í dag
Tingfólk siga sína hugsan um kringvarpsgjaldið í dag
Og Sirið Stenberg, landsstýriskvinna, leggur fram frágreiðing um nýggja public service sáttmálan millum Kringvarpið og Almanna- og Mentamálaráðið
Í dag fæst at vita, hvat tingfólk halda um at hækka kringvarpsgjaldið.
Mynd: Bjarni Árting Rubeksen
22.02.2024 - 05:43
Í dag fer løgtingið at viðgera uppskotið hjá landsstýrinum um at hækka og prístalsjavna kringvarpsgjaldið og um minni kringvarpsgjald hjá lítlum virkjum og stovnum.
Og Sirið Stenberg, landsstýriskvinna, leggur fram frágreiðing um public service sáttmálan millum Kringvarpið og Almanna- og Mentamálaráðið.
Sáttmálin skal vera galdandi frá 1. apríl í ár til 31. mars 2028.
Eingin undirskrivaður public service sáttmáli hevur verið seinastu árini.
Seinasti sáttmálin var frá 2017 til 2020.
Aðalorðaskiftið um public service sáttmálan verður týsdagin í næstu viku.
Fyrsta viðgerð verður eisini í dag um uppskotið til samtyktar um at loyva kommunum at seta upp vakmyndatól.
Er kopiera
Nýggjastu sendingar í ÚV
