- Tíðindi, mentan og ítróttur
Reiðarafelagið tapti eisini í Hægstarætti
Reiðarafelagið tapti eisini í Hægstarætti
Hægstirættur hevur staðfest avgerðina hjá Eystara landsrætti um gjald fyri kvotur á royndaruppboðssølu í 2016
Hægstirættur hevur sagt endaligan dóm í trætuni millum Reiðarafelagið og landsstýrið um gjald fyri kvotur.
06.03.2024 - 14:20
Hægstirættur hevur staðfest avgerðina hjá landsrættinum, at tað var í lagi, tá landsstýrið í 2016 avgjørdi, at manningarnar ikki skuldu gjalda sín part av kvotunum, tá talan var um royndaruppboðssølur í 2016.
Reiðarafelagið vann í Føroya rætti, men landsstýrið vann í Landsrættinum.
Eystari Landsrættur broytti í september 2022 dómin hjá Føroya Rætti, sum í januar í 2021 segði, at Fiskimálaráðið gjørdi seg inn á sáttmálan millum manningarfeløgini og reiðararnar, tá landsstýrið við lóg avgjørdi, at manningarnar ikki skuldu eiga lut í kostnaðinum.
Reiðarafelagið fekk loyvi at fara í Hægstarætt við málinum.
Reiðarafelagið vildi hava Hægstarætt at gera eina ávísa áseting, grein 7, stk. 2 lógini um uppboðssølu, ógilduga.
Hægstirættur sigur, at royndaruppboðssølan var lóglig, og talan var ikki um ognartøku.
Lesin dómin í Hægstarætti her.
Stefan í Skorini. (Savnsmynd)
Hoyr samrøðu, sum Elin Winther Poulsen gjørdi við Stefan í Skorini, stjóra í Reiðarafelagnum, um dómin:
06032024_Stefan
Er kopiera
Nýggjastu sendingar í ÚV
