Stórar ætlanir á Sevmýri á Tvøroyri

Í nógv ár var Sevmýri á Tvøroyri staðið, har TB spældi sínar heimadystir, og har TB-húsið var ein miðdepil á Tvøroyri og í allari oynni.

Men síðan TB fyri nøkrum árum síðan flutti til Trongisvágs at spæla sínar dystir, hevur lítið og einki virksemi verið við vøllin á Sevmýri og í gamla TB-húsinum.

Mortan Vang

Mortan Vang.

Men nú kemur broyting í aftur. Í fjør keypti MTV Byggivirki vøllin og økið, har TB-húsið stendur, og stjórin í MTV Byggivirki, Mortan Vang, hevur stórar ætlanir við økinum.

Hoyr innslag í útvarpstíðindunum: 

Mortan Vang leggur dent á, at enn eru neyðugu byggiloyvini ikki fingin, og byggisamtyktin skal eisini broytast, men hann hevur góðar vónir um, at tað eisini fer at bera til.