Fiskaðu 400.000 tons av svartkjafti í fjør

Føroysku uppsjóvarskipini hava nakað av hjáveiðu, men tað mesta er annar uppsjóvarfiskur enn tann, skipini royna eftir.

Skipini fiskaðu 401.000 tons av svartkjafti í fjør.

886,5 tons vóru hjáveiða. 219 tons vóru makrelur og 119 tons heystgýtandi sild.

Skipini fiskaðu 170.000 tons av makreli. 2.964 tons vóru hjáveiða. 1.558 tons vóru svartkjaftur, 64 norðhavssild og 105 tons voru heystgýtandi sild.

Og skipini fingu 90.651 tons av norðhavssild, Hjáveiðan var 3.011 tons, at kalla alt var annar uppsjóvarfiskur.

Skipini fiskaðu harafrat 10.859 tons av heystgýtandi sild. Hjáveiðan var 116 tons av svartkjafti.

Tølini eru frá Vørn og eru í svari frá Dennisi Holm, landsstýrismanni, til Johan Dahl, løgtingsmann.

Upplýst verður eisini, at Vørn gjørdi eftirlit umborð á 187 skipum í fjør.

Teirra millum vóru 61 útlendsk skip.