Eingin ætlan um at broyta forskattingina av pensjónum

Verður farið aftur til gomlu skipanina við eftirskatting, fer tað at kosta landskassanum - kommununum - meira enn hálva milliard kr.

Ruth Vang, landsstýriskvinna, hevur ongar ætlanir um at broyta lógina um at forskatta pensjónar. (Savnsmynd: Bjarni Árting Rubeksen)

Marjun Dalsgaard

27.03.2024 - 13:14

- Landsstýrið hevur ongar ætlanir um at broyta forskattingina av pensjónum.

Tað sigur Ruth Vang, landsstýriskvinna í fíggjarmálum.

Skipanin við forskatting ger, at fíggjarliga haldførið verður meint rakt, tí færri vera á arbeiðsmarknaðinum at fíggja vælferðarsamfelagið, millum annað pensjónir til tey, sum eru farin frá fyri aldur.

Men verður farið aftur til gomlu skipanina við eftirskatting, t.e. at skattur verður goldin av pensjónini, tá fólk gerast pensjónistar, fer tað at kosta landskassanum - ella kommunum - meira enn hálva milliard krónur um árið í inntøkum.

Síðani 2015 hava kommunurnar fingið inntøkurnar av forskattingini av pensjónum frá landinum til eldraøkið, og í fjør var henda upphæddin 518 milliónir kr.

Hoyr innslag í útvarpstíðindunum:

27032024_Forskatting_og_Ruth