Tjóðveldi fingið nýggja leiðslu

Undan flokstinginum, sum um vikuskiftið hevur verið í Hósvík, var longu greitt, at forkvinnan síðstu tvey árini, Sigrid Jensdóttir Dalsgaard, legði frá sær.

Høgni, sum varð uppstillaður av Suðurstreymoyar Tjóðveldisfelag, vann í atkvøðugreiðsluni á Jógvani Jón Henriksen, sum Sandoyar Tjóðveldisfelag og Unga Tjóðveldið stillaðu upp.

Nýggi aðalstjórnarformaðurin sigur seg gleða seg til at byrja í floksarbeiðinum.

- Eg fari við fullum huga at arbeiða fyri hugsjónini, at styrkja og savna allar kreftir á loysingarveinginum í Føroyum, og at gera hugsjónir og tankar til veruleika, sigur Høgni í Stórustovu.