Stjórin í Heilsustýrinum: Føroyskar blóðroyndir liggja trygt í Føroyum

Niðri er nú komið undan kavi, at 10 milliónir blóðroyndir, sum eru tiknar á sjúkrahúsum og hjá læknum yvir fleiri ár, kunnu hava verið brúktar til ymisk endamál - uttan samtykki.

- Hetta er tó ikki nakað, ið rakar blóðroyndir hjá føroyingum, tiknar í Føroyum, sigur Bjarni á Steig, stjóri í Fólkaheilsustýrinum. 

Orsøkin er, at í Føroyum hava vit eina ílegulóg, sum tryggjar, at blóð, ið er vevnaður, og úrslit av blóðroyndum, ikki verður útflýggjað uttan samtykki. 

- Føroyska skipanin er betri enn tann danska, sigur Bjarni á Steig, yvirlækni og stjóri í Heilsustýrinum. 

Bjarni á Steig

Blóðroyndir koma aftur til Føroya

Føroyskar blóðroyndir verða í dag sendar niður til Statens Serum Institut, og hava verið tað síðani 1986.

Tað eru hælblóðroyndir frá føroyskum nýføðingum, sum verða goymdar á sokallaðum PKU-kortum.

Hesar royndir eru tøkar til kanningar á Statens Serum Institut í upp til 12 mánaðir, og koma síðan aftur til Føroya og eru í varðveitslu hjá Fólkaheilsustýrinum.