- Tíðindi, mentan og ítróttur
Landslæknin: Trupulleikar ávirka sjúklingatrygdina á Áargarði
Landslæknin: Trupulleikar ávirka sjúklingatrygdina á Áargarði
Landslæknin staðfesti eftir fráboðað eftirlit á røktarheiminum Áargarði heima á Sandi, at so mikið stórir trupulleikar eru á røktarheiminum, at tað ávirkar sjúklingatrygdina
24.04.2024 - 09:55
Landslæknin hevur givið røktarheiminum Áargarði heima á Sandi boð um at handfara heilivág forsvarliga og hava nøktandi journalføring, sjúkrabøkur, og útvega sær samtykki til røkt og viðgerð, sum byggir á upplýsing.
Landslæknin gjørdi fráboðað eftirlit á Áargarði 7. februar. Hann staðfesti eitt nú, at heilivágurin var ikki handfarin nóg væl. Stórur vandi er fyri, at fólk fáa skeivan heilivág, stendur í boðunum til Áargarð.
Niðurstøðan hjá landslæknanum er, at trygdin hjá teimum, sum eru á Áargarði, er ikki nóg góð, ella, sum tað stendur í boðunum, sum eru á donskum, at "samlet set udgør de større problemer af betydning for patientsikkerheden".
Eftirlitsfrágreiðingin hjá landslæknanum kann lesast her.
Er kopiera
Nýggjastu sendingar í ÚV
Nýggjastu sendingar í SV
