Gloymdu tíðina men ikki staðið oman fyri Tjørnuvík

Aftur í nátt komu útlendingar illa fyri í haganum oman fyri Tjørnuvík.

Tveir menn ringu til politiið klokkan stívliga trý korter til eitt.

Teir høvdu ikki væntað myrkrið.

Harafrat vóru teir ikki á gøtuni til Tjørnuvíkar, men sunnan fyri hana.

Menninir høvdu verið heilt norðuri á Mýlingi.

Teir vóru so hugtiknir av náttúruni, at teir gloymdu tíðina, men avgjørt ikki staðið.

Fjallabjargarar vóru boðsendir.

Teir funnu menninar, og teir vóru í Tjørnuvík stutt fyri klokkan fimm í morgun.