Roykfríur dagur í dag: Nýggj roykilóg er á veg

Roykfríur dagur í dag: Nýggj roykilóg er á veg
Margit Stórá, landsstýriskvinna, hevur boðað frá, at tey, sum eru fødd í 2015, ella eftir tað, skulu ikki nýta tubbaks- ella nikotinvørur
Kanningin, “Hvussu hevur tú tað?”, sum Heilsustýrið gjørdi í 2023, vísti, at 18 prosent av føroyingum roykja dagliga. (Savnsmynd)
 
31.05.2024 - 15:19

Nýggj roykilóg, fyribyrgjandi átøk og avvenjingartilboð eru á veg, sigur Margit Stórá, landsstýriskvinna, nú altjóða dagur móti tubbaki er í dag.

Lógaruppskotið kemur væntandi í løgtingið í desember. 

Margit Stórá hevur boðað frá, at tey, sum eru fødd í 2015, ella eftir tað, skulu ikki nýta tubbaks- ella nikotinvørur.

Hildið verður, at 130 føroyingar doyggja árliga av sjúkum, sum standast av royking. 

Harafturat koma føroyingar, sum árliga fáa staðfest sjúkur, sum stava frá royking. 

 

Margit Stórá er landsstýriskvinna í heilsumálum.

 

18 prosent roykja dagliga

Kanningin, “Hvussu hevur tú tað?”, sum Heilsustýrið gjørdi í 2023, vísti, at 18 prosent av føroyingum roykja dagliga. 

Afturat koma tey, sum ikki roykja dagliga, roykja e-sigarettir og snúsa.

Á hvørjum ári síðani 1987 hevur heimsheilsustovnurin WHO skipað fyri einum altjóðadegi móti tubbaki tann 31. mai. 

Í ár varpar WHO ljós á ung og tubbaks- og nikotinnýtslu.

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Týsdag 15. juli
Og ein summardag (1:2)
194521
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401