Sexismumálið: Tessa noktar at framføra saman við The Antonelli Orchestra

Sexismumálið: Tessa noktar at framføra saman við The Antonelli Orchestra
Í heimildarrøðini "Sexisme i musikbranchen" verður tónleikari, sum eftir ætlan skuldi spæla undir tveimum konsertum hjá Tessu, lagdur undir at hava framt kynsligan ágang
Mynd: Bjarni Árting Rubeksen  
 
12.06.2024 - 12:49

Dagført kl. 14.15

Danska rappkvinnan Tessa, sum er eitt av høvuðsnøvnunum á ársins Voxbotn, hevur sambært danska kringvarpinum og tíðindamiðilinum BT avlýst tvær konsertir í summar. 

Rúni Djurhuus er fyriskipari av Voxbotn-festivalinum, og sambært honum fer Tessa at framføra sum ætlað. Tó verður tað ikki við The Antonelli Orchestra. 

Avgerðin hjá Tessu kemur í kjalarvørrinum av heimildarrøðini hjá danska kringvarpinum, "Sexisme i musikbranchen". Í heimildarrøðini greiða eitt nú fleiri tónleikakvinnur frá kynsligum ágangi, sum tær hava verið fyri í sambandi við upptøkur av TV 2-tónleikasendingini, "Toppen af Poppen". Kvinnurnar greiða frá, hvussu tær hava verið fyri kynsligum ágangi frá einum limi í tónleikabólkinum, The Antonelli Orchestra, sum er sonevnt húsorkestur í sendingini.

Í samrøðu við BT staðfestir Tessa nemliga greitt, at hon undir ongum umstøðum vil setast í samband við viðkomandi tónleikara, men heldur ikki bólkin sum heild, tí hinir limirnir hava viðvirkað til, at ágangurin yvirhøvur kann vera farin fram. 

- Eg ætli mær ikki at standa á palli við einum skemmara, sigur hon við BT.

- So skjótt eg hoyrdi um hesa gøluna, gjørdu vit skjótt av. Vit avlýsa øll framtíðartiltøk saman við honum, sigur Tessa við danska tíðindamiðilin, BT

Hóast Tessa noktar at framføra saman við The Antonelli Orchestra, so fara teir kortini á pallin á ársins Voxbotn-festivali. Sambært fyriskiparanum, Rúna Djurhuus, skulu The Antonelli Orchestra eftir ætlan spæla undir hjá Burhan G, Peter AG og Jokeren.

 

 

 

Er kopiera
Nýggjastu sendingar í ÚV
Týsdag 18. februar
Breddin: Nýggj tilmæli um skíggjaráð
187934
Týsdag 18. februar
Morgunlestur týsdagur 18.februar 2025
186671
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762