Conference League: Víkingur og B36 fingu lettiska mótstøðu

Bæði B36 og Víkingur fingu mótstøðulið úr Lettlandi í fyrsta umfari av Conference League. 

Lutakastið hevur júst verið í Nyon.

B36 skal spæla ímóti FK Auda, sum endaði á 3. plássi í lettisku landskappingini í fjør. Í 2022 vann FK Auda steypakappingina og var sostatt við í Conference League í fjør.

Víkingur hittir FK Leipaja. Leipaja endaði á 4. plássi í lettisku kappingini í fjør.

B36 spælir á útivølli fyrst, meðan Víkingur spælir fyrra dystin á heimavølli. Dystirnir verða spældir 11. og 18. juli.