Hálv millión at kanna flogvøll á Glyvursnesi

Tórshavnar býráð hevur endaliga samtykt at brúka hálva millión krónur til at kanna, hvar flogvøllur kann vera á Glyvursnesi.

Endamálið við kanningararbeiðinum er at fáa betri grundarlag til víðari fyrireikingar, millum annað skipanarlig og fíggjarlig viðurskifti. 

Úrslitið av tí skal leggjast fyri býráðið til politiska støðutakan. 

Borgarstjórin mælti til at játta hálva millión krónur til endamálið.

Javnaðarflokkurin, Sambandsflokkurin,, Fólkaflokkurin og Framsókn atkvøddu fyri.

Tjóðveldi atkvøddi ímóti.

Tjóðveldi mælti til, tá fyrra viðgerð var í býráðnum, at tær 500.000 kr., sum skulu brúkast til flogvallakanningar, í staðin fyri vera játtaðar umhvørvisdeildini hjá kommununi.