Tólmenni skulu vaska gólv í ítróttahallum

Tórshavnar kommuna arbeiðir við einari ætlan um at lata robottar, tólmenni, vaska gólvini í høllini á Hálsi og í Hoyvíkshøllini.

Trupult er at fáa fólk at vaska um næturnar.

Tí hevur Ítróttaanlegg biðið um tvær sjálvvirkandi reingerðarmaskinur.

Tær skulu vaska um náttina.

Tí ber til at hava hallirnar longur opnar. Og lønir vera spardar. 

Tilboð eru komin um tólmennini, 500.000 kr, fyri tað, sum skal brúkast á Hálsi, og 300.000 kr. fyri tað, sum skal brúkast í Hoyvíkshøllini. 

Ætlanin kom í fjør heyst, men í november avgjørdi býráðið at endurskoða hana.