Arbeiðið upp á panthøllina er byrjað

Arbeiðið upp á nýggju panthøllina hjá IRF í Vágum er nú byrjað.

Fyrradagin setti Jóanis Albert Nielsen, formaður í vinnu- og havnarnevndini í Vága kommunu, grabban í fyri nýggju høllini, sum skal byggjast í grótbrotinum í Sandavági, skrivar Vága kommuna.

Løgtingið samtykti fyrr í ár uppskotið um nýggjan pantskipan, og 23. mai var avtala gjørd millum IRF og Vága kommunu um leiguøki í grótbrotinum í Sandavági.

IRF skal umsita pantskipanina. 

fløskumóttøka, fløskuautomat, fløskur, fløskupant, pantskipan

Væntandi fer pantskipanin at taka ímóti 15 milliónum íløtum um árið. (Mynd: Bjarni Árting Rubeksen)

Liðugt hálvan august

Í avtaluni millum Vága kommunu og IRF stendur, at kommunan skal gera økið byggiklárt.

Tveir arbeiðstakarar vóru bidnir um at bjóða upp á arbeiðið, og J&K Petersen vann útbjóðingina. Arbeiðið skal verða liðugt 15. august.

Panthøllin verður 1200 fermetrar til støddar, og væntandi koma 15 milliónir íløt inn um árið.

Høllin verður boðin út í næstum, og eftir ætlan skal hon verða liðug 1. oktober næsta ár.