Nýggi stjórin í Landsverki ætlar at menna fíggjar- og verkætlanarstýringina

Tað er eingin loyna, at Landsverk hevur havt nógv keðilig mál seinastu árini. Glasir, H-bygningurin og nú Hamragarður í Vági.

Fleiri stjórar hava mist høvdið orsakað av gølunum, og tí hevur gjøgnumtrekkurin á stjóragongini í Landsverki verið stór. 

Nýggi stjórin er 49 ára gamla Marjun Weihe Thomassen, ið er búskaparfrøðingur og hevur millum annað verið fíggjarleiðari í Bústøðum í 11 ár. 

Hon er fullvæl greið yvir byggigølurnar, ið hava verið, og tí verður eitt av fremstu málunum at halda fram við arbeiðinum at menna og styrkja fíggjar- og verkætlanarstýringina í Landsverki. 

Marjun Weihe Thomassen heldur ikki, at tað er ein trupulleiki, at hon er búskaparfrøðingur og ikki verkfrøðingur, nú hon skal leiða Landsverki.