Vælmannað løgreglulið til staðar í Miðvági

Servand løgreglufólk fóru í kvøld inn í eini hús við høvuðsvegin í Miðvági. 

"Talan er um ein mann, ið er sálarliga illa fyri. Vit sendu okkara servandu løgreglufólk og tvey samráðingarfólk fyri at loysa spentu støðuna," sigur vakthavandi á løgreglustøðini.  

Løgregluliðið, sum var væl mannað og alvápnað, eitt nú við skjøldrum, fór inn í bústaðin, men alt tóktist ganga stillisliga fyri seg. 

Vakthavandi sigur, at tað var fyri at tryggja, at einki hendi løgreglufólkunum, at servanda løgregluliðið varð tilkallað. 

"Vit vilja helst umganga, at vit skulu arbeiða aftureftir," sum vakthavandi málber seg.