Zelenskyj hevur váttað álopini í Russlandi

Ukrainski forsetin Volodymyr Zelenskyj váttaði í gjárkvøldið, fyri fyrstu ferð,  álopini á Kursk landspartin í Russlandi,  sum liggur upp at ukrainska markinum.

Ukrainski forsetin sigur, at hermálsligu tiltøkini, sum byrjaðu týsdagin, eru partur av ætlanini hjá Ukraina at endurreisa rættvísi, eftir at Russland gjørdi innrás í Ukraina í 2022.

Volodymyr Zelenskyj segði í røðu sínari, at hann longu hevur fingið fleiri dagføringar um innrásina í Kursk frá ovasta leiðaranum fyri ukrainsku verjuna, Oleksandr Syrskyj.

Ukrainski forsetin takkaði eisini herdeildunum, sum eru partur av tiltøkunum, skrivar danska kringvarpið.